Կարպիս Ռըզեանի Անմառ յիշատակ - մրցաշարք - Մասիս Մարզական Միութիւն ՊՀ (Massis)

Մասիս Մարզական Միութիւն ՊՀ (Massis) - ֆեյսբուքյան էջում » կարդում ենք   

› Մասիս Մարզական Միութիւն ՊՀ 

Կիրակի 7 Մայիս 2023-ը Մասիս Մարզական Միութեան համար կը համարուի արտակարգ հանդիսութեան օր։ Արդարեւ, Միութեան վարչակազմի անդամներ, ֆութպոլի ակադեմիայի աշակերտներ, պատասխանատու մարզիչներ, ծնողներ եւ բարեկամներ միատեղ խմբուեցան վերապրեցնելով հանգուցեալ ընկեր Կարպիս Ռըզեանի "ՀՄՄ Վանիկ " խումբի հիմնադրութեան նպատակը ։

Այս առթիւ , ՀՄՄ Մասիս ակադեմիայի մարզիկներ,կրելով Կարպիս Ռըզեանի եւ իրենց անուններու արձանագրութեամբ նոր մարզական համազգեստները , խմբակներու բաժնուած, ներկայացուցին մրցաշարքային խաղարկություններ , շատ խանդավառ եւ հետաքրքիր պահերու մթնոլորտի մեջ ։

Գնահատելի նախաձեռնություն մըն էր,որմէ քաջալերուած աշակերտներ եւ ներկաներ փափաք յայտնեցին ակադեմիան ամուր կանգուն պահելով, ընթացքը շարունակել ։ Խաղերու աւարտէն ետք , իւրաքանչիւր մարզիկ ստացաւ յատուկ յիշատակի մետալը ։ Ներկաները բարձր գնահատեցին այս նախաձեռնությունը, պատասխանատուներու զոհողութիւնը եւ փոքրերու խանդավառութիւնը։ Շնորհակալութիւն նաեւ օրուայ հանդիսութեան բարերարներուն, յատկապէս ընկեր Երուանդ Մանսուրյանին եւ բարեկամներուն , որոնք իրենց նիւթական աջակցությունը բերին նախաձեռնութեան իրագործումին։

Հանդիսութեան աւարտին Մասիս Մարզական Միութեան ատենապետ ընկեր Միհրան Սեֆերեան յաղթական խումբին հանձնեց բաժակը , բոլորին համոզումով թէ գլխաւոր յաղթականները ՀՄՄ Մասիսի ակադեմիան եւ ընկեր Կարպիս Ռըզեանի Անմառ յիշատակն էին։

› facebook.com/massismarzaganbh/videos/829428448512917

» facebook.com/massismarzaganbh/videos/560297966239814/