ՍՅՈՒՆԻՔԸ ՊԱՇՏՊԱՆԵՆՔ Ազգային Ժողովրդավարական Բևեռ Ժիրայր Սէֆիլյան
Ազգային - Ժողովրդավարական Բևեռ
ՍՅՈՒՆԻՔԸ ՊԱՇՏՊԱՆԵՆՔ, ԲԱՅՑ ԻՆՉՊԵ՞Ս, ԵԹԵ ՉԿԱՆ ԼՈՒՐՋ ՌԵՍՈՒՐՍՆԵՐ
Սյունիքի շուրջ թշնամի թուրքն է, Սյունիքի ներսում թշնամի Ռուսաստանն է իր զորքով, Երևանում ՝ թշնամի Փաշինյանն է և այսօր, առանց լուրջ ռեսուրսի, Բևեռը ինչպե՞ս պետք է պաշտպանի Սյունիքը:
Հայտնի շրջանակներ, մեծ հնարավորությունների տեր անհատներ կան թե՛ հայրենիքում, թե՛ Սփյուռքում, ովքեր հայրենասերներ են, բայց դեռևս մատը մատին չեն տալիս:
Արցախյան 44-օրյա պատերազմից հետո շատերի հետ եմ խոսել, ովքեր ունեն հնարավորություններ:
Ասել եմ այո՛ Արցախին հարկավոր է առաջնահերթ օգնել, որ հայությունը մնա այնտեղ, քանի որ աշխատանք չկա, ուստի պետք է ամեն գնով օգնել: Զուգահեռաբար պետք է քաղաքական ներդրում արվի Երևանում, եթե ոչ՝ անիմաստ է:
Տեսա՞ք ինչ եղավ արդյունքում, ո՞ւր հասցրեցին Ձեր այդ
ներդրումները:
Այսօր այդ շրջանակները նույն են անում. շարունակում են բարեգործությամբ զբաղվել՝ օգնելով մեր ժողովրդին, ինչը այո՛ պետք է արվի, բայց կրկնում եմ՝ միաժամանակ պետք է քաղաքական ներդրում արվի:
Առանց քաղաքական ներդրման, առանց քաղաքական գլխի ինչպե՞ս կարելի է պաշտպանվել:
Շատերը Նժդեհի օրինակն են հիշում, բայց մոռանում են, որ Նժդեհին Սյունիք գործուղել էր Հայաստանի կառավարությունը։
Այսօր մենք Երևանում չունենք ազգային գլուխ, որ որևէ շրջանակի լիազորի պաշտպանել Սյունիքը:
Հակառակը, ովքեր, որ պետք է փորձեն Սյունիքի պաշտպանությամբ զբաղվել, հենց նրանց են հալածում:
Այդուհանդերձ, ես կարող եմ ասել, որ այս վիճակով էլ Սյունիքը կարելի է պաշտպանել, կա՛ հնարավորություն, եթե իհարկե ներազգային իմաստով աջակցություն լինի:
Ժիրայր Սէֆիլյան
10.10.2023 թվական, Երևան
Սյունիքի հայաթափում չպետք է թույլ տանք. հարկավոր է հնարավոր հարվածը կանխել. Ժիրայր Սէֆիլյան
www.youtube.com/watch?v=FTVSCIxcEcY
Ժիրայր Սէֆիլյան Jirayr Sefilian
Ազգային Ժողովրդավարական Բևեռ Armenian National Democratic Alliance, Armenian National Democratic Axis, NDA, Armenian National Movement
