Մենք իրավունք չունենք այս կարճ ժամանակը վատնելու - Ազգային Ժողովրդավարական Բևեռ - Ժիրայր Սէֆիլյան

› Ազգային - Ժողովրդավարական Բևեռ

» Facebook page

› Ժիրայր Սէֆիլյան

» Մենք իրավունք չունենք այս կարճ ժամանակը վատնելու:

Երևանյան պայքարին զուգահեռ ստիպված ենք հնարավորության սամաններում քայլեր կատարել, որոնք պետք է օգնեն Սյունիքի պաշտպանությանը:

Արցախի աղետից հետո շատ բան է փոխվել: Վստահ եմ նաև, որ Սյունիքում շատ մարդկանց մոտ ևս փոփոխություն է տեղի ունեցել, հատկապես, թե ինչպես պետք է վարվել ռուսական զորքի հանդեպ:

Բոլորս ականատեսն ենք, թե ինչպես ռուսական զորքը թուրքական զորքի հետ համաձայնաբար աղետի ենթարկեց Արցախի մեր հայրենակիցներին:

Առաջնահերթորեն սյունեցիք պետք է հասկանան, որ կարող է աղետը կրկնվել, իսկ մենք իրենց ինչով կարող ենք պետք է օգնենք:

Սփյուռքը պետք է մեզ օգնի, մենք էլ փորձենք մեր հայրենակիցներին օգնենք:

Սյունիքում ռուսական զորքի ձեռքերը պետք է կապել. նրանք պետք է ազատ վիճակում չլինեն` կանխելու համար մեր թիկունքի վրա հերթական հարվածը, որը նրանք հիմա նախապատրաստում են:

Գալու է նաև ժամանակը, որ ժողովրդային ուժով պետք է պարտադրել ռուսական զորքի վռնդումը Սյունիքից: Այս ուղղությամբ ամենօրյա աշխատանք պետք է տարվի:

Սիրելի´ հայրենակիցներ,

Այս պայքարի արդյունավետության համար ռեսուրս է պետք. աշխարհում ոչ մի ինքնապաշտպանություն հնարավոր չէ կազմակերպել առանց լուրջ ռեսուրսի:

Ամենաթանկը՝ մարդկային ռեսուրսը առկա է Հայստանում:

Կամավորները, երիտասարդները պատրաստ են երկար ժամանակով գնալ ապրել Սյունիքում, սակայն այդ մարդիկ ընտանիքներ ունեն, պետք է իմանան, որ իրենց ընտանիքը սոված չէ, խոսքը նվազագույն նյութական ապահովվության մասին է: Առանց նյութական ապահովության պաշտպանություն կազմակերպել չի լինի:

Արցախյան բանակը, որ սկսեց ձևավորվել, երբ մեր վաշտը դարձավ գումարտակ, որը առաջին ութը գումարտակներից մեկն էր, մենք հասկացանք, որ միայն կամավորներով չենք կարող պատերազմ հաղթել:

Մենք ներքին կարգով պրոֆեսիոնալ կորիզ ձևավորեցինք: Այդ ժամանակ Դաշնակցություն կուսակցությունն էր այդ ամեն ինչին հովանավորողը և օգնողը: Մենք Դաշնակցության ղեկավարությանը պարտադրեցինք, որ հարյուրավոր հայ մարտիկների ընտանիքներին ամեն ամիս աշխատավարձ տա, ընդ որում, դա աշխատավարձ չէր, այլ օգնություն, որ այդ մարտիկը իմանա, որ իր ընտանիքը սոված չէ:

Այդ կորիզի շնորհիվ մենք հաջողել ենք պատերազմը հաղթել, եթե այդպիսի մոտեցում չցուցաբերեինք մենք չէինք կարող հաղթել:

Կամավորները միշտ օժանդակողի դերում են, սակայն պրոֆեսիոնալ կորիզը պետք է ձևավորվի:

Այսօր էլ նույնն է, ամեն տեղ նույնն է, նոր գյուտ չենք անում, իմիջայլոց, ինչ ես ասեցի չենք բարձրաձայնել, ներքին կարգով ենք արել:

Ժիրայր Սէֆիլյան

10 հոկտեմբեր, 2023 թ, Երևան