Ազգային ուժերն անկոտրում են խափանելու ապազգային պահանջները. Ժիրայր Սեֆիլյանի վերլուծությունը - Video
Ազգային ուժերն անկոտրում են խափանելու ապազգային պահանջները. Ժիրայր Սեֆիլյանի վերլուծությունը
Վերջերս տեղի ունեցած հարցազրույցի ընթացքում «Բեդիկ Մանուկյան» ալիքով հրապարակված զրույցում Ազգային-Ժողովրդավարական Բևեռի (ԱԺԲ) խորհրդի անդամ, հրամանատար Ժիրայր Սեֆիլյանը մանրամասն անդրադարձել է Հայաստանում ստեղծված ներքաղաքական և անվտանգային ծանր իրավիճակին, սահմանային վերջին միջադեպերին, ինչպես նաև իշխանությունների վարած քաղաքականությանը։
Սահմանային խայտառակություն և հոգեբանական պատերազմ
Քննարկելով Սյունիքի խորքը հասած ադրբեջանցի զինվորի միջադեպը՝ Սեֆիլյանը բնութագրել է այն որպես հերթական խայտառակություն։ Նրա խոսքով՝ սա անսպասելի չէր, քանի որ 2020 թվականից ի վեր գործող իշխանություններն ամեն ինչ արել են սահմանների պաշտպանությունը թուլացնելու համար: Սահմաններն այնքան թափանցիկ են, որ ոչ թե մեկ զինվոր, այլ ամբողջական գնդեր կարող են անհարգելիորեն անցնել առանց պատշաճ դիմադրության: Այս երևույթը պետք է դիտարկել նաև հոգեբանական և տեղեկատվական պատերազմի համատեքստում, որում թշնամին չափազանց հետևողական է:
Իշխանությունների ձախողումները և արտաքին պահանջները
Անդրադառնալով իշխանությունների վարքագծին՝ Սեֆիլյանը նշել է, որ նրանք գործում են թշնամական կողմի պահանջների թելադրանքով։ Սակայն, չնայած ունեցած լծակներին, Փաշինյանին այդպես էլ չի հաջողվել իրականացնել արտաքին ուժերի և Թուրքիայի առջև դրված հիմնական հանձնարարությունները՝ լուծել Սահմանադրության փոփոխության, եկեղեցու դեմ ուղղված կամ Սփյուռքը Հայաստանից կտրելու խնդիրները: Պատճառն այն է, որ հայ ժողովուրդը՝ չնայած իր կրավորական վիճակին, իր «ոչ»-ով կասեցնում և խափանում է այդ ապազգային ծրագրերի ամբողջական իրագործումը:
Ընդդիմադիր դաշտի համախմբման հրամայականը
Քաղաքական ճգնաժամից դուրս գալու միակ ճանապարհը լայն համախմբումն է և միասնական ճակատի ձևավորումը։ Սեֆիլյանն ընդգծել է, որ գործող իշխանություններից ազատվելու համար բոլոր գաղափարական ուղղվածություն ունեցող ուժերը պետք է մի կողմ դնեն տարաձայնությունները։ Այդուհանդերձ, նա հստակեցրել է, որ անցումային փուլի շուրջ ձևավորվող համախմբման մեջ տեղ չպետք է ունենան այնպիսի շրջանակներ, որոնք տարիներ շարունակ թիկունք են կանգնել գործող կամ նախկին հանցավոր համակարգերին՝ հատուկ շեշտելով Սերժ Սարգսյանի քաղաքական ուժի անթույլատրելիությունը այս գործընթացում:
Հոգեբանական փոփոխություն և դիմադրություն
Զրույցի ավարտին հրամանատարը կարևորել է հայ մարդու գիտակցության մեջ հպատակի հոգեվիճակից ազատվելու և ինքնիշխան պետության քաղաքացի դառնալու հանգամանքը: Նա կոչ է արել հայրենիքում և Սփյուռքում ապրող մեր հայրենակիցներին չհամակերպվել պարտադրված սցենարներին, լինել տոկուն և յուրաքանչյուրն իր տեղում պայքարել, քանի որ պատմությունը վկայում է՝ ճիշտ դիմադրության և պաշտպանության դեպքում հաղթանակն անխուսափելիորեն լինելու է հայ ժողովրդինը:
Տեսանյութն ամբողջությամբ կարող եք դիտել այստեղ՝ https://www.youtube.com/watch?v=Nyni4yf5uDs
